"TechGenius" - xakatoni g'oliblari aniqlandi! 

✅ Xabaringiz bor, Oliy ta’lim, fan va innovatsiyalar vazirligi huzuridagi Innovatsiyalarni joriy qilish va texnologiyalar transferi milliy ofisi hamda Birlashgan Millatlar Tashkiloti Taraqqiyot Dasturining (BMTTD) Oʻzbekistondagi vakolatxonasi bilan birgalikda Oliy ta’lim muassasalari, assotsiatsiya, banklar va yirik kompaniyalar uchun "TechGenius" - xakatoni bo'lib o'tdi. 

 ✔️ Unda ishlab chiqaruvchilar,  texnologiya ixlosmandlari, dizaynerlar, startap asoschilari, Fan, qishloq xo'jaligi, energetika sohalari mutaxassislari, kodlash yoki dizaynga qiziquvchi talabalar ishtirok etdi.

⏰ Xakaton maqsadi uy va ofislarda energiya sarfini optimallashtirish uchun dastur ishlab chiqish, Qishloq xo'jaligi yo'nalishida - ekin kasalliklarining rivojlanish darajasini oldindan aniqlashtiruvchi dastur ishlab chiqish, tadqiqotlarni rivojlantirish va g'oyalarni  muhokama qilish uchun olimlarning hamkorlik platformasini ishlab chiqishdan iboratdir. 

➡️ Tanlov yakuniy natijalariga ko'ra, Energetika yo'nalishida - "Tzeentch" jamoasi, Qishloq xo'jaligi yo'nalishida -"Qalamx" jamoasi, Ilm-fan yo'nalishida - "Team IT" jamoasi g'oliblikni qo'lga kiritdi. 

➡️ Shuningdek, "Eng yaxshi taqdimot", "Eng yaxshi texnik dastur", "Eng yaxshi biznes modeli" nominatsiyalari bo'yicha ishtirokchilar taqdirlandi.  Ularga zamonaviy va qimmatbaho elektron gadjetlar topshirildi. 

🟢 Eslatib o'tamiz, Jamoalar 5 nafargacha bo'lgan ishtirokchilardan tuzilib, yangi mahsulotlarning prototiplarini yaratish uchun 48 soat vaqt ajratildi. 
 
📌  "TechGenius" - ishtirokchilar va mehmonlar o‘rtasida bilim va tajriba almashish uchun platformani taqdim etib, yangi aloqalar va hamkorliklarni yaratishga yordam berdi. Xakatonda ishtirok etayotgan mutaxassislar qimmatli amaliy tajribaga ega bo‘ldilar, ulardan o‘z tashkilotlarida shu kabi tadbirlarni o‘tkazishda foydalanish mumkin bo‘ladi.