Innovatsiyalarni joriy qilish va texnologiyalar transferi Milliy ofisi tomonidan BMTning Osiyo va Tinch okeani boʻyicha iqtisodiy va ijtimoiy komissiyasi (ESCAP) va Islom taraqqiyot banki (ISTB) bilan hamkorlikda O‘zbekistonning Shimoliy va Markaziy Osiyo davlatlari bilan aloqalarini mustahkamlashga qaratilgan seminar-trening tashkil etildi. 

Uchrashuvda ESCAP IDD boshlig‘i Tae Hyung Kim, iqtisodiy masalalar bo‘yicha xodimi Aida Karajanova va ISTBning AKT bo‘yicha katta mutaxassisi Sayed Mohammad Shaharyar Javaid hamda mahalliy ekspertlar barqaror taraqqiyot bo‘yicha tajribalari bilan o‘rtoqlashdilar. 

Universitetlar, vazirlik va davlat tashkilotlaridan kelgan ishtirokchilar innovatsiyalarni faollashtirish bo'yicha muhim ko'nikmalarga ega bo'ldilar.

2024-yil noyabr oyida bo‘lib o‘tgan TICEGning birinchi ishchi yig‘ilishida ESCAP tadqiqotlari ko‘rib chiqildi, O‘zbekistonning AKTni birgalikda qo‘llash salohiyati oshirildi va uchta asosiy infratuzilma koridorlari tasdiqlandi.